Sillimaniarneq peqqutigalugu misissortinnermut periusissiaq

Paasissutissat uku suliarineqarput uninngasunut qanigisaasunullu ersarissumik toqqissisimanartumillu qanoq sillimaniarneq peqqutigalugu misissortinneq pinerlussimasut tarnimikkut nappaatillit immikkoortortaanni ingerlanneqartarnera paasisaqarluarfigineqarniassammat.

Sillimaniarneq peqqutigalugu misissortinneq aaliangersimasumik sillimaniarnikkut periuserisatsinnut ilaavoq, ingerlanneqartarporlu uninngasunut qanigisaasunut sulisunullu toqqissisimanermik, eqqissisimanermik isumannaatsumillu avatangiiseqarnissaq qulakkeerniarlugit.

Sillimaniarneq peqqutigalugu misissortinnerup suut imarivai?

Takkunnermi sulisuniit orninneqassaatit ukulu misissuinerit tulleriiaarneqassallutik:

1. Kinaassutsimut uppernarsaat

Atitit tamarmik taaqqussavaat kinaassutsimullu uppernarsaammik assitalimmik takutitseqqussavaatsit.

Taaskit oqorsaatitillu skaavimmut parnaartartumut ilineqassapput.

2. Pigisat misissorneqarnissaat

Pigisatit kaasarfinniittut tamarmik bakkimut innersuunneqartumut ilineqassapput, sulisuniit misissorneqalaassapput.

3. Skannertinneq

Assammik tigussimasartakkamik saviminertalinnut ujaasissummik skannertissaatit.

4. Ingerlariaqqinneq

Skannertinneq naammassippat, pigisatit nassarnissaanut akuersissutaasimasut tunniunneqassapput immikkoortortamullu apuuffissannut apuunneqarumaarputit.

Sooruna skannerisartugut?

Pinerlussimasut tarnimikkut nappaatillit uninngavianni avatangiiserisap toqqissisimanartuunissaa, isumannaatsuunissaa aammalu siumut pisussanik ilisimasaqareertarnissat ilaatigut pingaartitarivagut, katsorsartinnermut atugarissaarnissamullu aamma apeqqutaaqataalluinnarlutik.

Skannerineq aammalu sillimaniarneq peqqutigalugu misissuineq aaliangersimasumik isumannaallisaanermut periusissiatsinnut ilaapput siunertarivaallu:

Skannerinerup isumagineqarnera ataatsimoorluta eqqissisimasumik ataqqinnittumik isumannaatsumillu katsorsartinnermik siunertalimmik avatangiiseqarnissamik pilersitseqatigiittarpugut, taamaasilluta qulequttanik pingaarutilinnik siunertaqarluta ukkassisinnaaniassagatta: Katsorsartinneq, attassuteqarneq aammalu peqqissineq.